Бугарија има намера да ги обезбеди сите неопходни дозволи за проектот Јужен поток за да не биде обвинета за неуспех на проектот, изјави во Брисел бугарскиот премиер Бојко Борисов.
По консулатции во Брисел, Борисов ги убедил лидерите на ЕУ дека Бугарија треба да ги исполни сите свои обврски за меѓународни договори за да не биде обвинета државата за неуспех на проектот, а за се останато ќе се погрижат властите во Европската унија.
– На тој начин нашата држава сега ќе може да ги исполни своите обврски односно подготовката… и ќе издаде одобрување за градба, изјави Борисов. Тој додаде дека ако потоа Гаспором сепак донесе решение за прекин на проектот, Бугарија нема да биде виновна.
Пред средбата, Борисов нагласи дека Јужен поток не е проблем само за Бугарија.
– Нашите европски партнери треба да разберат дека ние не можеме секогаш да губиме арбитражи и да губиме пари, наведе Борисов.