Претставник на турската владејачка Партија на правдата и развојот (АКП) е убиен од борци од Курдската работничка партија (ПКК), јави турската агенција Анадолија.
Според извори од полицијата, убиството било извршено вчера во градот Дикле, округот Дијарбекир во југоисточна Турција.
Борците од ПКК отвориле оган врз општинскиот претседател на АКП Деријан Актерт, кој се наоѓал во својата канцеларија.
Преземена е операција за пронаоѓање на напаѓачите.
Бунтовниците од Курдската работничка партија (ПКК) водат вооружена борба против турската држава од 1984 година. ПКК се смета за терористичка организација од страна на Турција, ЕУ и САД.