Поставена бомба експлодира рано изутринава во седиштето на грчката даночната служба во атинскиот кварт Кифисија, јави агенцијата АНА-МПА.
Експлозијата, предизвикала само материјална штета, била најавена во телефонско јавување во редакцијата на еден грчки весник, една интернет страница и во полициската единица за брза интервенција.
Веднаш по најавата полицијата го блокирала реонот околу зградата на службата.
Според првичните информации, експлозивната направа била поставена на влезот на зградата на даночната служба.
Полицијата почна истрага за случајот. Се претпоставува дека експлозијата е дело на анархистички групи.