Лидерот на партијата Граѓани за европски развој на Бугарија (ГЕРБ) и бугарски премиер во оставка Бојко Борисов денеска предложи Бугарската социјалистичка партија (БСП) или Движењето за права и слободи (ДПС) да го добијат мандатот за формирање нова влада на Бугарија.
По средбата со бугарскиот претседател Росен Плевнелиев, Борисов изјави дека смета оти опозициските БСП или ДПС треба да добијат можност да ги спроведат изборите, за потоа да неможат да кажат дека имало манипулации со изборниот процес.
Според Борисов, на овој начин ќе нема потреба претседателот Плевмелиев да ја преземе сета одговорност.
Како што јави БТА, Плевнелиев в четврок ќе се обрати до нацијата и пред пратениците во Парламентот.