До синоќа на полноќ, до кога беше крајниот рок за пријавување, до Централната изборна комисија во Тирана, двата најголеми политички субјекта, владејачката Демократска и опозициската Социјалистичка партија ги доставија пријавите за учество на парламентарните избори закажани за 23 јуни, јави дописникот на МИА од Тирана.
Владејачките демократи ја преводат коалицијата „Алијаса за работа, благосостојба и интеграција“ која ја сочинуваат 26 политички партии, меѓу нив и македонската партија, Македонска алијанса за еворпска интеграција, како и онаа на грчкото малцинство, Партија за заштита на човековите права.
Пријавата за учество на изборите на коалицијата ја доставил Нијази Косоврасти, во 21,40 часот.
– Партиите од десната коалиција историски се традиционлани десно ориентирани партии, сојузници во континуитет, изјави Косоврасти.
Обединетата опозициска коалиција „Алијанса за европска Албанија“ пријавата ја доставила во 19 часот. – Коалицијата ја сочинуваат 40 политички партии, кои заедно ќе ја донесат албанската преродба, изјави претставникот на СП, Генц Ѓонцај, по доставувањето на пријавата за учество на изборите.
Во оваа коалиција се и три помали политички партии, чии лидери се Македонци од Голо Брдо, Партијата за просперитет и демократија на Изеир Фетаху, Реформската демократска партија на Скендер Халили и Демократската партија за интеграција и просперитет на Халим Сеитај, како и партијата на грчкото малцинсво „Мега“.
Партијата, Нов демократски дух, на поранешниот шеф на албанската држава, Бамир Топи и Алијансата „Црвено црни“ на Крешник Спахиу, на избори одат самостојно.