Басеску: Не победив ниту јас, не победија ниту тие

Од:

Привремено отстранетиот романски претседател Трајан Басеску денеска изјави дека ниту тој победил, ниту владеачките партии, кои го иницираа неговото отстранување од должноста, и подвлече дека Уставниот суд е тој што треба да ја донесе одлуката.

Ако треба да бидам искрен, не победив. Не победија ниту тие, изјави Басеску, одговарајќи му на симпатизер кој го поздрави за резултатите од референдумот.

Според денеска објавените резултати на Централното изборно биро, на референдумот гласале 46,24 проценти од избирачите, што значи дека нивното учество не е доволно за неопходните 50 проценти плус еден од лицата со право на глас за референдумот да се признае за валиден.

Уставниот суд денеска во 14 часот по локално време се собра на заседание за да одлучи за валидноста на референдумот.

Владеачкиот Социјал-либерален сојуз (СЛС) утринава сооопшти дека поднел жалба во Уставниот суд во врска со референдумот од 29 јули, но „од почитување на независноста на правосудството“ одбива јавно да ја каже нејзината соддржина.

Одделно претседателите на двата Дома на парламентот, Валериу Згоња и Петру Филип, и двајцата од СЛС, исто така поднеле жалби до Уставниот суд со барање да се потврди валидноста на референдумот без условот за кворум. Тие тврдат дека референдумот од 29 јули бил организиран врз основа на закон за референдум, што не го предвидува условот за минимален праг на учество.

Ако референдумот биде признат за валиден, тоа значи автоматско отстранување на Басеску од функцијата, бидејќи 86,52 проценти од оние што гласаа се изјаснија за неговото соборување од власта.

За одлуката на Уставниот суд да биде валидна неопходни се гласовите на две третини од неговиот состав, односно на шест од вкупно деветмината судии.

Би можело да ве интересира

Несреќа во Букурешт: Падна дел од таванот во операциона сала за време на операција

Горан Наумовски

Романија: Преживеани од пожарот во диското „Колектив“ нудат помош за настраданите во Кочани

Централната изборна канцеларија на Романија потврди 12 кандидати за претседателските избори

Романија има нов кандидат за претседател

ВИДЕО: Хаос во Букурешт по забраната за Георгеску да биде претседателски кандидат

Георгеску доби забрана да се кандидира на вториот круг од претседателските избори во Романија

Горан Наумовски