Романскиот претседател Трајан Басеску денеска ги посоветува властите во Киев да престанат да бараат пари од други земји, јави ТАСС.
Романија не е против укажување на помош на Украина за исплата на долговите, но Украина треба да разбере дека е голема земја, што треба сама да најде решение за тоа како ќе „опстојува“, без да моли постојано за пари, изјави тој во одговор на новинарско прашање по самитот во Брисел.
Басеску истакна дека слободата означува создавање на сопствени услови за задржување на таа слобода, бидејќи ако една држава стане толку зависна од гас, пари и храна, таа не може да стане силна држава.