АУДИО: Објавена снимка како Лечиќ зборува за силувањето на актерката

Од:

Српски „Инсајдер“ објави аудио снимка на која познатиот српски актер и политичар Бранислав Лечиќ зборува со актерката Даниела Штајнфелд, неколку години по случајот во кој таа го обвинува дека ја силувал.

Српските медиуми денеска објавија дека прославениот актер и поранешен српски министер за култура, според исказот на Штајнфелд, ја силувал во неговиот автомобил во 2012 година. Актерката првпат се појави во јавноста со ваквите тврдења лани во август, кога рече дека била силувата од „моќник од филмската индустрија“, без да го открие неговиот идентитет. Таа вели дека не е единствената жртва на сексуалните напади на Лечиќ.

На аудио снимката од телефонски разговор кој го забележала самата актерка и која сега е предадена во Јавното обвинителство како доказ во еветуалната постапка против актерот, се слуша како тој и сега 37-годишната Штајнфелд зборуваат за нивниот сексуален однос, за кој актерката вели дека не дала согласност.

Лечиќ ѝ објаснува дека тоа не било понижување, како што вели таа, туку негов начин на искажување на нежност. Тој ѝ кажува и дека таа требала да биде почестена што тој се интересирал за неа на таков начин, наместо да се чувствува загрозена.

Во интервју за „Инсајдер“, сега 37-годишната Штајнфелд, која живее во САД, вели дека снимката покажува оти Лечиќ не го негирал случајот, а во исто време се обидел да го релативизира и „објасни“.

Лечиќ е еден од најнаградуваните српски актери, а имаше и забележителна политичка кариера, која го доведе и до позицијата министер за култура

Аудио снимката била првпат објавена лани, во документарниот филм „Зацели ме“ на Штајнфелд, во кој таа зборува за повеќе случаи на сексуално насилство, вклучувајќи го и нејзиниот. Во филмот, во кој се пренесени и видеоснимки што актерката ги направила од самата себеси непосредно по наводното силување од страна на колегата, гласот на Лечиќ бил изменет за да се сокрие неговиот идентитет. Снимката со неизменет глас сега е предадена во српското Обвинителство.

Во соопштение испратено до медиумите по повод исказот на Штајнфелд, Бранислав Лечиќ вели дека обвинувањето е „најгнасната лага“ со која некој се обидел да го дискредитира.

Би можело да ве интересира

ВИДЕО: По драматична потрага пронајдени петтемина исчезнати во Србија, ги немаше четири дена

Катерина Ѓуровски

Српската полиција објави фотографии од осомничените за нападот на студенти во Нови Сад

Кој е Марк Брновиќ, новиот американски амбасадор во Србија

Предраг Петровиќ

ВИДЕО: „Имам добри вести“-директорот на српскиот клинички центар за состојбата на повредените во пожарот во Кочани

Предраг Петровиќ

(ВИДЕО) Вучиќ најави протести: „Народот веќе не се плаши“

Горан Наумовски

Белград: Студентите го блокираат ГСП, заглавени се 130 трамваи и 150 автобуси