Атина не директно, но сепак бара услови за поканата на еврокомесарот за проширување, Штефан Филе, за трилатерална средба со македонскиот и грчкиот министер за надворешни работи, Никола Попоски и Димитрис Аврамопулос.
„Нема потреба од ваква средба во период кога се чекаат претстојните состаноци со медијаторот на Обединетите Нации Метју Нимиц во Њујорк и кога треба да се види дали има перспектива за напредок“, стои во соопштението од грчкото МНР.
Аврамопулос го известил еврокомесарот дека суштината на преговарачкиот процес под посредство на Нимиц е обликувана од одлуките на Советот за безбедност на ОН и никако не е поврзана со Европската Унија и нејзините институции.
„Грција во принцип нема ништо против средби, но под услов да има добра подготовка и уште поважно, да постои уверување дека средбата ќе има ефект”, соопштува грчкото МНР.
Филе вчера испрати писмо до двајцата министри, Никола Попоски и Димитрис Аврамопулос, во кое предложи нова рамка со која Европската комисија би имала директен увид во процесот на преговори за името. Во писмото, Филе вели дека велта е да се надградат заклучоците за Македонија.
Шефот на македонската дипломатија веднаш го префати овој предлог.