Турскиот вицепремиер Булент Аринч денеска изјави дека неговата земја го поддржува територијалниот интегритет на Сирија и дама да толерира создавање „де факто“ сириско-курдски ентитет на своите граници.
Аринч во обраќањето до новинарите истакна дека нема детално да објаснува што Турција ќе направи за да го спречи создавањето таков ентитет, но додаде дека ќе делува внимателно и со ладна глава.
Турските власти се загрижени заради неодманешното зајакнување на курдските бунтовници во Сирија, во областите на границата со Турција, пренесоа американските медиуми.
Загриженоста ја засилија вестите дека Курдите во Сирија се подготвуваат да прогласат автономен регион во пограничните области.