Грчките власти потврдија дека американската научничка Сузан Итон, која од минатата седмица се води како исчезната, пронајдена е мртва на Крит.
Локалните медиуми наведоа дека нејзиното тело е пронајдено во внатрешноста на пештера недалеку од населбата Самоудокори, на околу 10 километри од местото каде што Итон е забележана последен пат, пренесува “Блиц”.
“Со огромна тага и жалење ја објавуваме смртта на нашата драга пријателка и колешка, Сузан Итон”, се наведува во соопштението објавено на интернет страницата на Институтот во Дрезден.