Во Прешево денес се сретнаа албански советници од општините од југот од Србија,а на дневниот ред може да се најде барање на Владата, по примерот на северно Косово во Србија да се формира заедница на албанските општини.
Албанците на овој начин ќе останат доследни на својот поранешен политички став, според кој во политичко-институционален смисол треба да имаат онолку колку што имаат Србите на северот на Косово.
Одлуката за тоа ќе се донесе денес во Прешево на највисоко ниво, во општината на советниците Албанци, во Прешевската долина.
Ние на седницата ќе пунудиме еден документ, кој ќе биде наша платформа во понатамошните договори помеѓу Белград и Албанците на Прешевската долина – изјави претседателот на општината и лидерот на Демократската партија на Албанците, Рагми Мустафа.
Елена Георгиевска