Познатиот српски актер Драган Николиќ и понатаму е во тешка здравствена состојба, меѓутоа докторите успеаја да му помогнат да ја преброди кризата. Николиќ е свесен, сам дише, комуницира и се чувствува подобро, пренесува српски Блиц.
Актерот, кој неодамна беше опериран, вчера беше итно пренесен во болница.
Иако 71-годишниот Николиќ беше приклучен на апарати затоа што не можеше самостојно да дише, весникот „Ало“ објави дека лекарите успеале незначително да ја подобрат неговата здравствена состојба и актерот повеќе не е на апарати.
„Курир“ пак пишува дека конзилиумот на лекари одлучиле итно да го стават во соба за итензивна нега. Направена е ренген снимка на градите и од таму е извадена крв. Терапијата дополнително е зајакната, но и тој натаму се чуствува лошо, додава весникот.
Драган Николиќ, кој се прослави со улогите во сериите „Отпишани“ и „Враќање на отпишаните“ и во филмовите „Кој тоа таму пее“ и „Балкан Експрес“, веќе некое време боледува од тешка болест. Во октомври минатата година мина неколку денови на испитување во Првата хирушка клиника во Белград заради проблеми со дебелото црево и тогаш беше закажана операција.
Во февруари го оперира врвниот експер, проф. др. Зоран Кривокапиќ, на Клиниката за дигестивни болести при белградскиот Клинички центар, а по зафатот според пишувањето на српските медиуми, Николиќ се чувствувал добро.
Николиќ прва филмска улога ја добо во 1964 година во „Вистинска состојба на работите“, а првата голема улога ја одигра во филмовите „Кога ќе бидам мртов и бел“ и „Животот е убав“ од 1967 година. Познат е по улогата во ТВ серијата „Отпишани“, а многумина и денес се сеќаваат на неговата улога Прле.
Во брак е со актерката, Милена Дравиќ.
– Сите сме со тебе, бори се, му порача Сергеј Трифуновиќ на колегата на својот профил на Фејсбук.