Турскиот министер за одбрана Хулуси Акар и директорот на Националната разузнавачка служба (МИТ), Хакан Фидан се во посета на Москва, каде имаат средби со руските колеги.
– За време на средбите разговорите во Русија се разговараше за ситуацијата во Сирија, спроведувањето на договорот за житото и други прашања поврзани со одбраната и безбедноста, соопшти турското Министерство за одбраната.
Додека во соопштението на руското Министерство за одбрана се наведува дека во Москва се одржале тристрани разговори меѓу министрите за одбрана на Русија, Сирија и Турција.
– Во Москва се одржаа тристрани разговори меѓу министрите за одбрана на Руската Федерација, Сириската Арапска Република и Република Турција. Тие разговараа за начините за решавање на сириската криза и проблемот со бегалците, како и заедничките напори за борба против екстремистичките групи на територија на Сирија, се посочува во соопштението.
Извор: МИА