Путин: Сојузничките односи со Србија се најтопли и најблиски

Од:

Рускиот претседател Владимир Путин денеска на средбата со српскиот патријарх Порфириј во Москва оцени дека, како што рече, сојузничките односи меѓу Русија и Србија се најтопли и најблиски.

На средбата со српскиот патријарх во Кремљ, Путин рече дека очекува српскиот претседател Александар Вучиќ на 9 мај да ја посети Москва и да присуствува на прославата на 80-годишнината од победата во Големата патриотска војна.

На средбата, на која присуствуваше и патријархот московски и на цела Русија – Кирил, Путин рече дека Русија е свесна за тешката ситуација на Балканот.

„Знаеме дека ситуацијата на Балканот не е едноставна. И знаеме за вашите напори за зајакнување на позицијата на Србија“, рече Путин, обраќајќи му се на српскиот патријарх, пренесува РИА Новости.

Рускиот претседател Путин го истакна придонесот на Српската православна црква во односите меѓу народите на двете земји.

„Српската православна црква дава значаен придонес во зајакнувањето на односите меѓу народите на Русија и Србија“, рече Путин за време на средбата во Кремљ.

Патријархот Порфириј му подари на рускиот претседател Путин велигденско јајце со натпис „Христос воскресна“ на српски јазик.

Би можело да ве интересира

Путин: Замрзнувањето на руските златни и девизни резерви на Запад не е кражба, туку грабеж

Путин го потпиша законот за заштита на рускиот јазик во јавниот простор

А1он

Зеленски: Путин ги отфрли сите мировни предлози, дури и оние од САД

А1он

Путин: Русите и Украинците се еден народ, Украина е наша

А1он

Јакнењето на врските со африканските земји е приоритет за Русија, вели Путин

А1он

Главна тема на разговорот меѓу Ердоган и Путин беше конфликтот Иран – Израел

А1он