Русија ќе одговори на украинските напади врз руските нафтени рафинерии, како и врз логистичките и енергетските капацитети, изјави рускиот претседател Владимир Путин.
„Вчера се обидоа да нападнат некои рафинерии, а сега погодија одредени локации – ништо премногу значајно, но сепак продолжуваат. Слично е и со енергетските капацитети: тие го направија првиот чекор, ние почнавме да реагираме, а сега тие се жалат – вклучително и за нападите врз воени објекти, податочни центри и слично“, рече Путин на конгресот на организацијата „Деловна Русија“.
Путин додаде дека Украина не требало да изврши такви напади.
Киев бара од своите спонзори да извршат притисок врз Русија за да престане со одмаздничките напади, кои се одговор на потезите што ги презеде Украина, изјави рускиот претседател.
