Рускиот претседател Владимир Путин прогласи дводневен прекин на огнот во војната со Украина на 8 и 9 мај, по повод годишнината од поразот на нацистичка Германија во Втората светска војна.
Ова го објави денес руското Министерство за одбрана, додавајќи дека очекува украинската страна да го стори истото и дека Русија ќе започне масовен одмазднички ракетен напад врз центарот на Киев доколку Украина се обиде да ги наруши прославите на Денот на победата.
„И покрај можностите што ни се на располагање, Русија претходно се воздржа од такви акции од хуманитарни причини“, соопшти министерството.
Тие, исто така, објавија дека се подготвени да дејствуваат доколку прекинот на огнот не се почитува.
„Го предупредуваме цивилното население во Киев и персоналот на странските дипломатски мисии за потребата навремено да го напуштат градот“, се вели во соопштението, според Ројтерс.