Некои луѓе сметаат дека со помош на линиите може да се претскаже човековата судбина, додека науката тврди дека тие можат да помогнат при дијагноза на одредени медицински состојби.
Линиите на дланките помагаат на кожата при ширење и собирање, а се развиваат уште во матката. Кога ја шириме дланката, линиите на дланките даваат простор на кожата да се намести. Од слична причина имаме и поголеми брчки на местата каде се наоѓаат коските на прстите.
Повеќето луѓе имаат три истакнати линии преку дланките, но се случува и да постои само една линија, наведува Националниот институт за здравје.
Само една линија на дланката може да укажува на неправилен развој. Понекогаш е присутна кај бебиња со состојба како Даунов синдром, или фетален алкохолен синдром. Дебелината и бројот на линиите на дланките исто така зависат и од фактори како семејната историја и расата. вз/с