Одлични изведувачи и прекрасна публика која го наполни плоштадот забавувајќи се до доцните часови, вака беше на втората музичка вечер во рамките на „Струмица опен Фестивал 2014“.
Забавата почна со настапот на Драган Мијалковски, а продолжи со Бени Нон Стоп, „С.А.Р.С“, кулминираше со бендот „Амадеус“, кој ги распеа и разигра струмичани и нивните гости, а обожователите на клубската музика уживаа во настапите на Дино МФУ, Габи Расел и Шејпшифтерс.
Единаесетдневната културно – забавна манифестација „Струмица опен фестивал 2014“, вечерва ќе ја затвори балканската ѕвезда, Здравко Чолиќ. Тој ќе настапи последен на големата музичка сцена на градскиот плоштад „Гоце Делчев“.
Пред него, ќе настапат групите „Дивизија“ и „Дивајн“, Коста Хаџикојчев и Александра Јанева. Овие музички имиња од домашната и странската естрада, ветуваат уште една прекрасна музичка вечер, какви што впрочем беа и претходните две.
