И оваа година за престојните Велигденски празници во Охрид ќе се одржува манифестацијата Велигденски базар.
На претпразничниот саем на отворено на плоштадот кај Чинарот свои производи по намалени цени ќе претстават бројни домашни производители на традиционални јадења како ѓомлезе, питулици, торти, колачи, потоа ученици и професори на Факултетот за туризам и угостителство, на средното угостителско училиште „Ванчо Питошески“, продавачи на рачни изработки и сувенири, како и ракотворби изработени од страна на децата од основните училишта.
Манифестациајта ќе биде збогатена со забавна програма на која ќе настапуваат фолклорни ансамбли од градот, детскиот хор, како и содржини подготвени од страна на децата од градинката и основните училишта од градот.