Во Њујорк модното дефиле не е резервирано само за манекенки, туку и домашните миленици имаат право на своја „Недела на модата“ (Фешн вик).
На ваквата манифестација одржана во хотел на Менхетн, можеа да се видат 150 животни со здолништа во облик на обрач, елеци од ламе, перики и големи обетки, на 11-то Њујоршко пет шоу (New York Pet Show).
На ревијата имаше најмногу кучиња, неколку мачки, но и две кокошки и еден гуштер, кој на пистата се возеше со скејтборд.
Како и секоја година, главна цел на организаторите беше вдомување на напуштените миленици и собирање пари за здруженија кои се грижат за животни.