Оваа есен, 7.000 ученици од 27 училишта во австрискиот главен град Виена, ќе собираат поени и ќе се натпреваруваат да освојат вредни награди, до кои ќе можат да дојдат ако што почесто излегуваат на отворено и се шетаат.
Целта на играта „Точки на улицата“ е поголема физичка активност кај децата, но и заштита на климата. Според градските власти во Виена, пандемијата на коронавирусот уште повеќе го ограничи движењето на најмладите, па игрите со топка со другарчињата, спорт, ластик, трчање, велосипеди – сѐ тоа сега е уште понепопуларно.
А сепак, сето ова ги прави децата поздрави, среќни, радосни и ги развива нивните моторни, социјални и умствени способности, велат локалните власти.
Преку „Точки на улицата“, децата во Виена собираат поени пешачејќи до училиште, продавница или пак, при посета на пријатели. Наградната игра трае од 2 октомври до 13 ноември. Поставени се 35 кутии за игри на неколку улици, а децата собираат поени со притискање копче на кутиите, па напредувајќи во играта, си го развиваат натпреварувачкиот, но и колективниот дух за успех.
Според Овие забавно-образовни дејности имаат за цел, меѓу другото, и придонес за зачувување на климата на планетата Земја.