Триесет и петгодишна жена од Калифорнија се обидела преку оџак да влезе во домот на својот поранешен сопруг и да го шпионира, меѓутоа на половина пат се заглавила па морало да интервенира противпожарна екипа.
Во обид да се ослободи, неименуваната жена ја соблекла сета облека што ја имала на себе. Нејзиниот поранешен сопруг Тони Хернандез со кого таа има три деца, ја слушнал дека бара помош и се обидел да и помогне.
Откако не успеал да ја ослободи, повикал противпожарна служба која два часа работела на ослободување на жената од оџакот. Пожарникарите морале да го скршат оџакот за да ја ослободат жената.
Е. Г.