На социјалните мрежи се прошири видео за кое се тврди дека наводно претставува извадок од севернокорејските вести во кои се тврди дека Северна Кореја „фантастично и без грешка“ ја минала групната фаза од Светското фудбалско првенство во Бразил.
Видеото многу брзо се прошири по социјалните мрежи, иако не беше сосема сигурно за што точно се работи. Но, набрзо е откриено дека во прашање е пародија.
Истите автори одлучиле да ја продолжат приказната до крај па објавија прилог во кој се јавува дека Северна Кореја е светски првак и дека на финалето го победила Бразил со 8:1.
Погледнете како изгледал „патот до финалето“ на Северна Кореја и реакциите на публиката.