Екипа на нуркачи пронашла 900 шишиња француски коњак на дното на Балтичкото Море, наменети за последниот руски император, на брод за транспорт потонат од германска подморница во 1917 година.
Интригантнатаа приказна започна во мај 1917 година кога шведскиот брод „Кирос“ пловеше за Петроград, носејќи 50 сандаци француски коњак и уште 15 сандаци алкохол. Примачот на пратката не беше никој друг туку царот Николај Втори, кој абдицираше два месеци порано.
Русија сè уште беше формално во војна со Германското Царство, па товарот беше испратен од Франција на брод што припаѓаше на неутрална Шведска. „Кирос“, сепак, никогаш не стигна до својата дестинација.
Divers salvage 900 bottles of rare French cognac and liqueur from Swedish shipwreck – The Local https://t.co/HVQPpdVVk3 pic.twitter.com/VRARzBvzWG
— Living-in-France.com (@JohnRushton5) November 5, 2019
Додека минувал крај островот Аланд во Балтикот, бродот бил пресретнат од германската подморница „УЦ-58“.
Според законот за време на војната, Германците го обвинија екипажот за шверц на нелегална стока, принудувајќи го да се пресели во друг брод, но пред тоа да го потоне својот брод.
Деветстотини шишиња, со најдобри и најквалитетни француски пијалоци, завршија на дното на морето.
Пред 20 години потонатиот брод беше пронајден, но беше премногу опасно да се нурне. Но, сега, тим од шведски и исландски нуркачи одлучи да се обиде и успеја.
Со помош на роботи, тие конечно успеаја да спасат околу 600 шишиња коњак „De Haartman & Co“ и 300 шишиња ликер од „Benediktin“.
Divers salvage 900 bottles of rare French cognac and liqueur from Swedish shipwreck https://t.co/BvMwN3BVuI pic.twitter.com/n1288lvG8R
— Göteborg Nu (@GbgNu) November 5, 2019
Некои од шишињата сè уште имаат оригинални восочни печати и обележја.
„Важноста на ова не може да се потенцира доволно. Не само што ова е редок наод, туку е и дел од историјата на империјална Русија“, изјави шведскиот тим.
Посебно внимание се посветува на ликерот „Benediktin“, кој веќе не се произведува, а неговиот производител, кој влече корени од францускитемонаси, го презема „Bacardi“.