Изложбата „SEE New Perspectives: Од аголот на фотографите од Балканот“, која ја претставува работата на новата генерација балкански фотографи, ќе биде отворена во сабота на 17-ти ноември во Белград.
Избрани се петнаесет талентирани фотографи од Југоисточна Европа за да учествуваат на мастер класата за професионални фотографи, организирана од World Press Photo и Фондацијата Robert Bosch.
Учесниците направиле фото-есеи за актуелните прашања од регионот, со цел да се прикаже реалноста во регионот и да се поттикне набљудувањето на Југоисточна Европа од „нова перспектива“.
Изложбата е претставена во октомври оваа година во Сараево, а по Белград, оваа „патувачка изложба“ оди за Загреб, низ останатите градови во регионот и на крај на завршната изложба во Берлин.