Новогодишниот огномет во Прага беше импресивен пиротехнички спектал насловен како „Прага бакната од Музите“, јави дописникот на МИА.
Со оглед на тоа што годинава последната цифра е шест, симболично огнометот преку различни целински форми претстави шест великани кои годинава ќе прослават свој јубилеј, меѓу кои таткото на чешката нација Карло Четвртти, астрономот Тихо Браге, поетот Карел Хинек Маха, како и композиторот Антонин Дворжак.
Огнометот, кој значеше разнобоен спој со Музите, грчките божици на мудроста траеше 616 секунди и двата тони пиротехнички средства кои беа споени со жици долги 1,8 километри беа испукани 6.293 пати.
Годинашното шоу, кое чинеше 40.000 евра беше дополнето и со музика која беше пренесувана со посредство на две радија.