Австралискиот остров Тасманија е рај на земјата по богатството на животинскиот и растителниот свет и глетки од природата, кои одземаат здив.
Меѓу сите негови убавини се издвојува еден не толку чест природен феномен. Цветањето на динофлагелатите или огнените алги (lat. Noctiluca scintillans), кое од неодамна го зафати крајбрежниот регион на Заливот Презервејшн и Роки кејп.
Овие мали планктони во текот на цветањето ја претвораат водата во приказ на сјајни сини неонски светла.
Светлосните низи од сини и зелени нијанси изгледаат како некоја подводна магија. Ефектот се јавува кога водата е немирна, па планктоните со светкањето реагираат во самоодбрана.
Феноменот понекогаш се јавува и кога водата е мирна и топла, што локалните жители го сметаат за предупредување дека климатските промени на големо ќе почнат.