Еден од најинтересните ММА борци денес е во центарот на вниманието поради „тепачка“, односно удар кон навивач кој сам го побара.
Навивачите често го губат разумот кога ќе ги сретнат со своите идоли, а доколку идолите не се во здрав разум, лесно може да се случи ситуацијата за која изминативе денови зборува целиот ММА свет. Шпанскиот борец со грузиско потекло Илја Топурија (26) се најде во центарот на вниманието откако видеото на кое со левата рака со ракавици удира навивач во црниот дроб стана хит на социјалните мрежи.
A fan recently asked UFC star Ilia Topuria for a liver shot.
The undefeated featherweight contender happily obliged. 😅#UFC #MMA pic.twitter.com/EfWyzbjXVv
— MMA DIRT (@MMADIRTcom) April 26, 2023
Желбата да ја почувствува силата на неговиот омилен борец очигледно била посилна од логиката кај овој фанатик за боречки спортови, па затоа инсистирал Илја да го удри. Се позиционираше точно како што треба, го остави незаштитен делот од телото каде што требаше да нишане Топурија и потоа.. Секако, се извиваше од болка кога конечно го доби она што го сака.
Црниот дроб е една од омилените „мети“ на ММА борците во кафезот, а борбите често се прекинуваат токму поради прецизно поставените удари на тој дел од телото. Кога борец ќе добие силен удар во тој дел од телото, тој обично не може да остане на нозе и да ја продолжи борбата, што му дава огромна предност на противникот да го собори и да се обиде таму да ја заврши борбата. Сето тоа Илја Топурија го знаеше и пред овој удар бидејќи во професионалната кариера 13 пати влегуваше во октагонот и секој пат победуваше. Последните пет борби работеше во УФЦ, најсилната организација во светот.