Ерменскиот премиер Никол Пашинјан се сретна со Емануел Макрон за време на самитот на Европската политичка заедница во Ереван, а на сè му претходеше прилично необична сцена.
За време на паузита од состаноците, Пашинјан и Макрон решија да се посветат на музиката, а Макрон ја отпеа шансоната „La Boheme“ од 1965 година, напишана од Шарл Азнавур, еден од најпознатите француски пејачи.
Текстот е за уметници кои со радост се сеќаваат на деновите на живеење во сиромаштија за време на боемскиот период во парискиот кварт Монмартр.
Додека Макрон пееше, Пашинјан го придружуваше на тапани.
Нивниот настап беше следен со големо внимание од гостите и тие им аплаудираа на двајцата лидери на овој настап.
Настапот на Макрон во Ерменија не беше прв пат да биде снимен како пее. Во март, тој ја отпеа Марсељезата, француската национална химна, на носачот на авиони со нуклеарен погон FS Шарл де Гол откако француската морнарица беше распоредена на Блискиот Исток за патролирање на Ормутскиот теснец.
Изборот на „Ла Боем“ е значаен и за Франција и за Ерменија – Азнавур е роден во Париз од ерменски родители кои избегале од геноцидот.
Азнавур ја започнал својата пејачка кариера како дете, забавувајќи гости во ерменскиот ресторан на неговите родители, „Кавказ“, а за време на Втората светска војна, тој и неговото семејство криеле многу Евреи и Ерменци во нивниот стан во Париз.