Кога нешто звучи предобро за да биде вистинито, тогаш најчесто и не е вистинито. Но, Новозеланѓанката Тијана Марч не би се согласила со ваквата констатација.
Имено, Марч во вчерашните весници видела оглас на еден продажен салон на Бе-Ем-Ве, кој делувал неверојатно и за кој како и многумина други, помислила дека е првоаприлска шега.
Во споменатиот оглас се велело дека првата личност која ќе влезе во салонот и ќе побара средба со Том, ќе може да го земни својот стар автомобил со нов Бе-Ем-Ве.
Иако огласот и делувал како класична шега, Марч сепак решила да го посети салонот и да го побара Том.
Том се појавил и на нејзино големо изненадување и врачил клучеви на нов Бе-Ем-Ве вреден околу 50 илјади новозеландски долари, кој го заменила за нејзиниот стар „Нисан“.
– Огласот беше намерно нејасен и дефинитивно изгледаше предобро за да биде вистинит. Но, во овој случај сакавме само малку да ја промениме приказната и да ја наградиме првата личност која ќе биде подготвена да ризикува, изјави Гавин Пенфолд од салнот на Бе-Ем-Ве.