Поранешниот дизајнер на Астон Мартин и основач на Фискер Инк, Хенрик Фискер објави кусо видео од својата нова креација – електричен спортски автомобил наречен Фискер Е-Моушн.
Електромобилот ќе се најде на пазарот во август годинава. Има електричен движечки систем, чијашто моќност се уште не ја знаеме, но знаеме дека ќе развива максимална брзина од 260 километри на час. Вградените батерии се доволни автомобилот да помине 650 километри.
Цената на возилото ќе изнесува 129.900 долари.
Автомобилската компанија Фискер Инк е основана во 2007 од поранешниот дизајнер на Астон Мартин, Хенрик Фискер, а е специјализирана за производството на еколошки чисти супер-автомобили.