Шпанската државна телевизија соопшти дека по шестгодишна пауза, повторно во живо ќе пренесува борби со бикови.
Првиот пренос е вечерва, од коридата во Ваљадолида.
Преносите на оваа традиционална манифестација, прекинаа во 2006 година, бидејќи тогашната социјалистичка влада оцени дека се прескапи и дека се поклопуваат со термините наменети за помладите гледачи.
Социјалистите, минатата година ја загубија власта во Шпанија, а новиот конзервативен премиер Маријано Рахој, одлучи да ја врати популарноста на борбата со бикови.