Помалку од 24 часа пред 1 април, омилениот ден на сите шегобијци, но и оние кои се обидуваат да протуркаат многу лажни вести и инфомрации на интернет, „Амазон“ промовираше нов производ „Амазон Дач Батон“, кој овозможува нарачки само со притискање на копче.
Во прашање е додаток со лого на различни брендови, на пример детергент за перење алишта, кој се поставува во домот. Кога ќе ви снема одреден производ, притискате на копчето и нарачувате тој производ да ви биде доставен до вашата куќа.
Како што објави „Хафингтон Пост“, мнозинството корисници на Твитер биле уверени дека во прашање е првоаприлска шега, но „Амазон“ потврди дека станува збор за вистински производ
Преку „Дач Бутон“ може да се нарачуваат широк спектар на производи, од храна за мачки, па се до тоалет хартија. Оваа поволност бесплатно може да ја користат само членовите на „Амазон Прајм“, што и не е чудно, имајќи предвид дека производот овозможува да се троши повеќе, наведува „Хафингтон Пост“.