Вистински обожаватели – 1000 музичари ја изведоа заедно песната „Learn to Fly“ од Foo Fighters, со цел да го убедат бендот на Дејвид Грол да дојде и да одржи концерт во чезена, северна Италија.
Проектот наречен „Rockin 1000“ обедини илјада тапанари, басисти и гитаристи, чија совршено синхронизирана изведа беше денеска поставена на Интернет.
Иницијаторите на идејата објаснуваат дека бендот не бил кај нив од 1997 година и оти со нешто „вака лудо“ сакале да ги убедат да одржат концерт.
– Беше потребно да организираме нешто што ќе го воодушеви цел свет и што Дејвид Грол би можел да го види, наведуваат иницијаторите, додавајќи дека им била потребна една недела за да го соберат овој мега – бенд.
Засега, групата од Сиетл не се огласили, но со оглед на блискоста на Грол со фановите не е исклучено дека иницијативата на италијанските обожаватели ќе вроди со плод.