Како дел од Штипско културно лето, утревечер со почеток од 21 часот на летната сцена во Дом на млади – Штип ќе се одржи третото издание на RAVE со проект: техно. За достигнувањето на RAVE левелот ќе се погрижат добро познати македонски техно артисти: Moonshine, Ninno Mancini, Nennat Omen и B Mexx.
RAVE е музички проект-иницијатива на млади кои детектираат недостаток на културни музички настани во опшеството. RAVE својата цел ја остварува со помош и поддршка на домашни DJ и артисти кои се трудат и успешно работат со музиката.
Првиот настан се одржа во април под проект: Drum & Bass а вториот во мај под проект Trap & Dubstep. Планирани се жанрови за кои владее недостиг кај Македонската публика, а се ротираат на месечно ниво.