Skype објави дека ќе престане со работа во мај оваа година.
Оваа популарна услуга за разговор преку Интернет, која е во сопственост на Мајкрософт, ги информираше корисниците дека се гаси.
„Почнувајќи од мај 2025 година, Skype повеќе нема да биде достапен. Во наредните денови, ќе можете да се најавите на Microsoft Teams Free користејќи ја вашата Skype сметка за да останете поврзани со сите ваши разговори и контакти. Ви благодариме што сте дел од нас и Skype“, објави Microsoft.
Skype беше пионер во светот на онлајн комуникациите. Лансиран во 2003 година, тој брзо се здоби со популарност со своите бесплатни повици, видео повици и пораки. Го користеa милиони луѓе ширум светот, и за лични и за деловни цели.
Skype влезе во историјата како една од првите алатки што овозможи едноставна и бесплатна комуникација меѓу луѓето на различни континенти. Иако денес има многу конкуренти на пазарот, како што се Zoom, WhatsApp и Microsoft Teams, Skype одамна е клучна алатка за онлајн разговори и деловни конференции.
Со оглед на доминацијата на Microsoft Teams во деловниот и образовниот сектор, веројатно е дека Skype ја изгуби својата важност во контекст на понапредните технологии и интегрираните алатки. Microsoft одлучи да се фокусира на Teams како сеопфатна алатка за соработка, што го прави Skype застарен.