Пријател на Кејт Мидлтон изјави за Vanity Fair дека принцезата од Велс достигнала пресвртница и се опоравува од ракот. Тој додава дека тоа е големо олеснување бидејќи телото на Кејт го прифаќа лекот и таа се чувствува многу подобро.
Таа истакнува дека нејзината битка за здравје е „многу тешка и загрижувачка“ за кралското семејство, но тие и нејзиниот сопруг, принцот Вилијам, „се собраа околу неа“.
Да потсетиме, принцезата во март годинава објави дека и е дијагностициран рак и дека оди на хемотерапија. Таа не откри за каков вид на рак се работи, но сподели видео порака дека болеста е во „рана фаза“. Последен пат таа беше видена во јавноста во декември 2023 година на Божиќната миса. После тоа, палатата објави дека е подложена на планирана операција на абдоменот. Тримесечното отсуство на принцезата од очите на јавноста ги загрижи фановите и поттикна голем број теории на заговор за нејзиното здравје, а потоа и дојде крајот на приказните кога таа проговори преку видео во март.
Неодамна извор сподели со странските медиуми дека Кејт нема ништо во календарот до крајот на годината кога се во прашање обврските.
„Клучната работа за неа сега е да избегне каков било стрес или вознемиреност и да се обиде да се подобри“, изјави тој за Дејли Бист, додавајќи дека летото ќе го помине со семејството на село.