Дали се сеќавате кога првпат сте пробале „Нутела“? Најверојатно не, но има луѓе кои никогаш во животот не го пробале овој чоколаден крем.
На ЈуТјуб деновиве се појави видео кое ја покажува реакцијата на луѓето во САД, кои првпат во животот пробуваат „Нутела“. Нивните реакции се речиси идентичани, а некои изјавуваат дека не можат да веруват оти постои нешто толку вкусно.
Една девојка изјави дека не знае како досега живеала без „Нутела“, додека едно момче смета дека полесно може да ја придобие девојката која му доаѓа ако и понуди малку од овој крем од чоколада и лешници.
– Не знам што е ова, но е волшебно, изјавува едно момче во видеото.
Тоа што ги шокира е бројот на калории што ги содржи кремот, но тие сепак се подготвени да го занемарат тоа и да уживаат во оваа „калориска бомба“.