Разурнувачот „Исоказе“, кој бил употребен од јапонските сили во нападот на американската воена база Перл Харбор за време на Втората светска војна, е пронајден во близина на југоисточниот брег на Јапонија.
Од компанијата „Фукада“, која го пронајде бродот, наведуваат дека освен во нападот на Перл Харбор во 1941 година, тој учествувал и во битката кај Мидвеј една година подоцна.
„Исоказе“ е потопен на седми април 1945 година додека го прател легендарниот брод „Јамато“, кој пловел за Окинава како дел од одбраната на островот.
Разурнувачот „Исоказе“ е долг 111 и широк десет метри, а тежок околу 2.500 тони.