По смртта на нејзиниот брат, Мадона објави емотивни зборови на својот Инстаграм профил.
Кристофер Чиконе почина на 63-годишна возраст, а причина за неговата смрт е рак.
Легендарната пејачка сподели емотивна објава на Инстаграм за да ја изрази својата тага.
„Мојот брат Кристофер го нема. Тој ми беше најблиската личност долги години. Тешко е да се објасни нашата врска. Но, нашата врска произлезе од разбирањето дека сме различни и дека општеството ќе ни зададе проблеми што не ги следиме воспоставените норми. Се држевме за раце и танцувавме низ лудилото на нашето детство. Всушност, танцувањето беше еден вид суперлепак што не држеше заедно“, започна Мадона.
Пејачката ја опиша танцовата школа која ги спаси неа и нејзиниот брат.
„Мојот балетски учител, исто така по име Кристофер, создаде безбедно место за брат ми да биде геј. Збор што не беше изговорен, па дури и не се шепотеше каде живеевме. Кога конечно собрав храброст да одам во Њујорк за да станам танчерка брат ми ме следеше и танцувавме низ лудилото на Њујорк. Ја голтавме уметноста, музиката и филмот како гладни животни. Бевме во епицентарот на сите тие работи кои експлодираа. Танцувавме низ лудилото на епидемијата на СИДА. Одевме на погреби, плачевме, а потоа танцувавме. Заедно танцувавме на сцената на почетокот на мојата кариера, а на крајот тој стана креативен директор на многу турнеи. Што се однесува до добриот вкус, брат ми беше папа и требаше да го бакнеш прстенот за да го добиеш неговиот благослов“, напиша пејачката.
Поп-иконата рече дека двајцата имале „судири“ со институциите, вклучително и Римокатоличката црква и полицијата.
Мадона исто така истакна дека му се восхитува на својот брат.
„Му се восхитував, имаше беспрекорен вкус. И остар јазик, кој понекогаш го користеше против мене, но јас секогаш му простував. Заедно летавме до највисоките висини и тоневме до најниските длабочини. Се обидов да го одржам во живот што е можно повеќе. На крајот имаше големи болки. Повторно се држевме за раце. Ги затворивме очите и танцувавме. Заедно“, напиша пејачката.
Мадона заврши велејќи дека е среќна што нејзиниот брат повеќе не страда, додавајќи: „Мило ми е што повеќе не страда. Никогаш нема да има некој како него. Знам дека танцува некаде“.
Веста за неговата смрт дојде само неколку дена по смртта на нивната маќеа Џоан Клер Чиконе која почина на 24 септември по кратка, но агресивна битка со ракот, пишува Мирор.