Повеќето жени кои се незадоволни со својот изгледа за тоа ги обвинуваат другите жени, покажуваат резултатите од истражување, кои ги објави британскиот таблоид „Сан“.
Истражувањето за претставата, која жените ја имаат за своето тело откри дека 59 проценти од припадничките на понежниот пол имаат лошо мислење за својот изглед,
За овој недостиг на самодоверба 45 отсто од нив ги обвинуваат другите жени, кои, како што велат, со нивните погледи им укажуваат на недостатоците.
Меѓутоа тие и самите се оптоваруваат со тоа што постојано се споредуваат со другите жени. Истражувањето покажа дека 54 проценти од нив им завидуваат на своите пријателки и колешки поради изгледот.
Иако постојано ја загледуваат големината на облеките на жените во нивното опкружување, жените сепак не преферираат „манекенска линија“. Секоја осма испитаничка смета дека идеалот на убавина, кој го наметнува општеството за премногу слаби жени не е во ред. Четириесет и два проценти од анкетираните сметаат дека бројот 40 е идеална големина на женска облека.