Бразилецот, Челсо Сантебанес (20), познат под надимакот „човечки Кен“, почина пет месеци откако му беше дијагностицирана леукемија, пишува Индепендент.
Сантебанес беше најпознат по тоа што потроши 50.000 долари на плстични операција со цел што повеќе да наликува на момчето на куклата Барби – Кен.
Челсо на 16 години се појави во една телевизиска емисија каде се избираа модели. Ликот како на Кен му стана фиксација, а набрзо со операција го промени ликот, усните и носот.
Кога стана популарен секое негово појавување го наплатувал по 15.000 долари и лансирал сопствена лиија на кукли под наслов Celso Dolls.
Но, во јануари објави дека врти нова страница во животот и повеќе не се оптеретува со естетиката.
– Тоа за мене повеќе не е важно, сега најважно ми е моето здравје и за тоа ќе се борам, рече тогаш Celso.
Несреќниот манекен е погребан во саботата, Неговиот татко, Чели Боргес потресен рече:
– Кога почнаа да му се исполнуваат соновите, откриена му е болеста и се се урна. Тој имаше едни планови, но Бог имаше други.