Популарноста на книгата „Педесет нијанси на сиво“ (Fifty Shades Of Grey) не престанува да расте, па неодамна хотелот „Макс“ во Сиетел, за своите гости почна да ги оживува фантазиите од садо-мазо сцените на овој роман.
Големите филмски студија водат битка за правата на книгата за која сакат да снимаат филм, но дел од овој колач, одлучи да земе и хотелот, што не е воопшто чудно бидејќи главните садо-мазо игри од книгаата се случуваат речиси само во луксузни хотели.
Хотелот нуди пакет на „50 нијанси на Сиетл“ што овозможува гостите да доживеат некои „клучни“ моменти од популарната книга.
Пакетот вклучува најмалку две ноќевања, сместување во луксузна соба, лимузина и патување до „Puget Sound“ каде што гостите можат да уживаат во шише луксузни пенливи пијалаци или омилениот на јунакот од книгата. Покрај тоа, на гостите им се нуди лет со хеликоптер над градот за да го доживеат она што и ликовите во книгата.
Ова задоволство, се разбира, воопшто не е ефтино. Чини околу 1967 долари. Управата на хотелот мисли дека иако станува збор за прилично скап аранжман, гостите на хотелот нема да го пропуштат бидејќи тоа е најсексипилната понуда во светот.