Во историски момент за светот на модата и луксузните додатоци, оригиналната „Birkin“ чанта на француската модна куќа Hermès која беше продадена на аукција во Париз за неверојатни 8,58 милиони евра (околу 10 милиони долари) пред седум месеци, постави светски рекорд за најскапа чанта некогаш продадена.
Аукцијата ја организираше познатата аукциска куќа Sotheby’s, а наддавањето траеше околу десет минути, со учество на неколку меѓународни колекционери. Победничката понуда, според информациите, доаѓа од приватен колекционер од Јапонија.
Станува збор за првиот прототип на моделот „Birkin“, создаден специјално за британско-француската актерка и пејачка Jane Birkin во 1980-тите години. Легендата вели дека идејата за чантата се родила по случајна средба во авион меѓу Биркин и тогашниот извршен директор на Hermès, кога таа се пожалила дека не може да најде практична, а елегантна чанта за секојдневна употреба.
Оригиналниот примерок се разликува од денешните модели – има нестандардна големина, фиксна рачка (ремче), метални детали и иницијали „J.B.“ на предната страна. Чантата носи и видливи траги од користење, што дополнително ја зголемува нејзината историска и емоционална вредност.
@sothebys Christmas came in July for fashion lovers as Jane Birkin’s original Hermès Birkin bag caused a sensation at #SothebysParis. After weeks of anticipation and a global tour, the historic bag sold on 10 July for €8.6 million ($10.1 million). With the first bid alone, the world record for a handbag — set in 2021 by the Hermès White Himalaya Niloticus Crocodile Diamond Retourne Kelly 28 at $513,040 — was instantly eclipsed. Watch the electrifying bidding battle unfold with bids coming in over the phones, online, and in the room. In the end, the handbag that changed fashion history was met with applause as it sold to private collector from Japan. Stay tuned for more #SothebysWrapped🎁 ♬ original sound – Sotheby’s
Оваа продажба уште еднаш потврдува дека модата не е само тренд, туку и инвестиција. „Birkin“ чантата одамна се смета за симбол на статус, ексклузивност и рачна изработка, а нејзината вредност со текот на годините континуирано расте.
Со оваа рекордна аукција, „Birkin“ не само што ја зацврсти својата позиција како најпосакувана чанта во светот, туку и влезе во историјата како културен артефакт што ја надминува модата.