Последното продолжение на култниот филм „Побеснетиот Макс“ во првите неколку дена на прикажување заработи 110 милиони долари, а интернет е преполн со воодушевени фанови и критичари, кои тврдат дека станува збор за еден од најдобрите акциски филмови во сите времиња.
Секако, таквиот успех најчесто значи само едно – дека следуваат продолженија.
Актерот Том Харди веќе најави дека е заинтересиран за продолжение, а и режисерот Џорџ Милер изјави дека во овој случај може да се работи за трилогија.
Милер се огласи и на Твитер, потврдувајќи дека ќе претстојат нови продолженија.
– Поздрав Твитер! Ви благодарам џа убавите зборови и за се што сте напишале за филмот. Се забавуваме на снимањето и ќе има уште, напиша тој.
Филмот би требало да се вика „Побеснетиот Макс: Во пустелија“, а Милер неодамна објави дека веќе има и подготвено сценарио за него.