Кирк Даглас ќе биде дел од рубриката „in memoriam (во сеќавање)“ на овогодинешните награди на Академијата.
Неговата смрт во средата предизвика силни реакции во холивудската фела.
Со оглед на статусот кој го имаше актерот во филмската индустрија, не изненадува што академијата го промени распоредот во рубриката „во сеќавање“ за да го вклучи Даглас.
Поучени од минатото кога филмската академија не вклучи дел од истакнатите режисери и изведувачи во рубриката во која се дава последен поздрав кон починатите филмски работници и затоа доживеа голема критика, оваа година тие со голема посветеност работат на прилогот за Кирк.
Даглас е познат по многу свои филмски ролји во класиците „Патеки на славата“, „Спартак“, „Борбата на пиштоли во О.К. Корал“ и „20.000 Лиги под морето“.