Во конкуренција со уште 28 кучиња, на натпреварот кој секоја година се одржува во Калифорнија, Мугли (Mugly) ја освои првата награда доделена за најгрдо куче во светот при што за себе си обезбеди едногодишна бесплатна храна и 1.000 долари за сопственикот.
„Не можев да изустам ниту збор кога го соопштија неговото име. Се тресев од возбуда исто како куче“, изјави неговата сопственичка Бев Николсон за њујоршки „Дејли њус“.
Николсон изјави дека Мугли слична титула има освоено и во 2005 година кога било прогласено за најгрдо куче во Велика Британија.