Аукциската куќа „Профилс ин Хистори“ од Калифорнија на 18 октомври на аукција ќе го понуди ремонтираниот чопер што Питер Фонда го вози во култниот филм „Голи во седло“ од 1969 година.
Моторот го продава бизнисменот Мајкал Ајзенберг, кој порано заедно со Фонда и Денис Хопер држел ресторан.
Двајцата актери во филмот, кој ја прикажува Америка во 60-тите години на минатиот век, играа „моторџии“. Приказната за нискобуџетното и независно продукциско остварување кое стана блокбастер, претставува клучен филмски приказ на хипи субкултурите.
Овој „Харли Дејвидсон“ е украсен со американско знаме и е единствен кој го преживеа снимањето на филмот за чии потреби се изработени четири модели. Се очекува дека оовј мотот би можел да достигне цена поголема од милион долари.