Идејниот творец на овој исклучително амбициозен проект е холандската фирма Waterstudio, а нацрт-плановите за идниот изглед на Малдивите се на Dutch Docklands.
Првата цел е изградба на пловечки терен за голф, кој воедно ќе биде и прв од тој тип во светот.
„Потоа ќе биде направена и зградата за голф клубот во која со лифт ќе може да се спуштат посетителите на дното на океанот и преку подводен тунел да дојдат до терените“, вели извршниот директор на Dutch Docklands, Пол Ван де Камп.
Изградбата на терените би требало да почне оваа година, а тие би требало да бидат готови до крајот на 2013-та. Официјалното отворање е најавено за 2015-та.
Малдивите исто така ќе добијат и 43 приватни острови „Amillarah“, секој со сопствено пристаниште за јахта и базен.
